Nicat Tağızadə – Xəyal göstərim

Spread the love
Gəl sənə bir gözəl xəyal göstərim
Toxusun ruhuna rəngli ilmələr
Səssizcə qucaq aç, gözünü bağla
Qəlbini oxşasın indi cümlələr 

Bu gözəl xəyalda əl-ələ verib 
Unudaq dünyanı, dərdi, çirkabı
O yerdə çiçəklər heç solmaz gülüm
O yerin sərxoş da etməz şərabı 

O yerdə ulduzlar parlayır göydə
Yoxsa parıldayan ala gözlərin
Gözündə qovuşdu hüzura ruhum
Ruhumu oxşadı sənin sözlərin 

Xəfifcə toxunum barmaqlarına 
Bəlkə təsadüfən, bəlkə də qəsdən 
Həbs edib qəlbimdə, yox edim səni
Gizlədim iyrənc və paxıl hər kəsdən 

Gəl sənə bir gözəl xəyal göstərim 
Bitməyən sevgiyə qonaq et məni 
Qulaqda pıçıltı ilə səslənim 
Unudum hər şeyi yaşayım səni

Bir cavab yazın

Sizin e-poçt ünvanınız dərc edilməyəcəkdir.