Nicat TağızadəŞeirlər / Poems

Nicat Tağızadə – Zamanın Yarışı

Spread the love

Nicat Tağızadə – Zamanın Yarışı

Gözlərim səhvi düzü əbədiyyən seçməz olub

Qürurum qıfıllanıb bircə andı içməz olub

Axı aşiq de görüm hansı yolu keçməz olub

Onu qandallara vur dursun ürək danışmasın

Zamanım donsun artıq hər ötənlə yarışmasın

Sevirəm, aşiqinəm, əbədi sənin olmalıyam

Sənin təmiz eşqini saf ürəyə salmalıyam

Hamı tərk etsə belə mən səninlə qalmalıyam

Ürəyin alovların söndürün ki alışmasın

Zamanım donsun artıq hər ötənlə yarışmasın

Gözlərim dörd divarda qapı yoxdur açmaq üçün

Ürəyim hey çalışır qanadlanıb uçmaq üçün

Taqət yoxdu dizlərimdə uzaqlara qaçmaq üçün

Başlanğıcıdır bu sonun, heç qaçmağa çalışmasın

Zamanım donsun artıq hər ötənlə yarışmasın

Beyin, ürək, məntiq, qürur, bir də əlacsız gözlərim

Arxamca sürüklənən kölgə və ayaq izlərim

Ondakı daşdan ürəyə heç təsir etmir sözlərim

Yetər artıq bezdim inan, heç kim işimə qarışmasın

Zamanım donsun artıq hər ötənlə yarışmasın

Nicat Tağızadə (Mələklərin Günahı)

6 thoughts on “Nicat Tağızadə – Zamanın Yarışı

  • Nicar qeseng seirdi helal
    Sende bacariq var
    Bir az da inkisaf elesen romanini seir kimi (nezmle) de yaza bilersen

    Reply
    • Təşəkkürlər qardaşım, bəyəndiyinə sevindim. Nəzm romana indi çox üstünlük verən yoxdu. Bir də ki illərim həsr edib nəzm roman yazsam, yetərincə qiymət verilməsə kafama sıkarım ona görə

      Reply
  • oxudum rey yazdim beyendim )))

    Reply

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir